Gündəlik məsələ, 2011-ci ildə ali məktəblərə II ixtisas qrupu üzrə keçirilmiş qəbul imtahanında riyaziyyat fənnindən təklif olunmuş test tapşırıqlarının (B variantı, 116-125 saylı) elmi-metodiki baxımdan müzakirəsinin davamı olmuşdur. Test tapşırıqlarının təhlilini onlayn rejimində internet vasitəsilə videobağlantı əsasında TQDK-nın Şəki regional bölməsindən: Şəki şəhəri, 10 №-li tam orta məktəbin müəllimi Şərifova Mailə və 19 №-li tam orta məktəbin müəllimi Musayev Şahin; Naxçıvan regional bölməsindən: Babək rayonu, Xəlilli kənd tam orta məktəbin müəllimi Hümbətov Rza, Şərur rayonu, Ərəbyenicə kənd tam orta məktəbin müəllimi Nəcəfova Mahizər; Lənkəran regional bölməsindən: Masallı rayonu, Qızılavar kənd tam orta məktəbin müəllimi Paşayev Azadxan; Gəncə regional bölməsindən: Gəncə şəhəri, 43 №-li tam orta məktəbin müəllimi Namazova Şahnaz və 10 №-li tam orta məktəbin müəllimi Əhmədova Günay;Quba regional bölməsindən: I Nügədi kənd 1 №-li tam orta məktəbin müəllimi Nəcəfova Şəhla aparmışlar. Test tapşırıqlarının hər biri mürəkkəblik dərəcəsi və nominasiyalar üzrə elmi-metodiki baxımdan müzakirə edilmişdir. Beləliklə, 2011-ci ildə ali məktəblərə II ixtisas qrupu üzrə keçirilmiş qəbul imtahanında riyaziyyat fənnindən təklif olunmuş test tapşırıqlarının təhlili başa çatmışdır. Təhlil göstərmişdir ki, test tapşırıqları qəbul proqramına və orta məktəbdə qüvvədə olan dərsliklərə tam uyğun olmaqla, ixtisas qrupunun peşə xüsusiyyətləri nəzərə alınmaqla, aid olduqları mövzular üzrə abituriyentlərin müxtəlif çətinlik səviyyələrində olan məsələləri həll etmək qabiliyyətini,qazanılmış bilik və bacarıqları praktiki tətbiq etmə, tənlik və bərabərsizlikləri həll etmə, hesablama və çevirmələri, funksiyalarla , həndəsi fiqurlarla, koordinatlar və vektorlarla əməliyyatları yerinə yetirmə,riyazi modelləri qurma və tətbiq etmə kimi bilik və bacarıqlarını aşkara çıxarmağa imkan vermişdir. Qəbul imtahanında A və B variantlarında istifadə edilmiş test tapşırıqları analoji olduğundan, hər iki variant üzrə abituriyentlərin cavablarının statistik göstəriciləri də bir-birinə uyğun olmuşdur. Eyni zamanda hər iki variantda test tapşırıqları çətinlik dərəcəsi, relevantlıq kateqoriyaları baxımından da demək olar ki, bir-birinə tam uyğundur Növbəti seminar iclasında 2011-ci ildə ali məktəblərə III ixtisas qrupu üzrə keçirilmiş qəbul imtahanında riyaziyyat fənnindən təklif olunmuş test tapşırıqlarının (A və C variantları) elmi-metodiki baxımdan müzakirəsi aparılacaqdır.